ناٹنگھم(نیوز ڈیسک) انگلینڈ نے آسٹریلیا کیخلاف ایشز کے پانچویں اور آخری ٹیسٹ کیلئے 14 رکنی اسکواڈ کا اعلان کردیا، تیسرے میچ کے موقع پر سائیڈ اسٹرین سے دوچار ہونے والے پیسر جیمز اینڈرسن کی واپسی ہوگئی۔میزبان ٹیم کو سیریز میں 3-1 کی فیصلہ کن برتری مل چکی ہے، دونوں ممالک میں سیریز کا اختتامی ٹیسٹ 20 اگست سے اوول میں شیڈول ہے، انگلش سلیکٹرز کے مطابق ابھی ٹیسٹ میچ میں خاصا وقت ہے لہٰذا اینڈرسن اس وقت تک مکمل فٹ ہوجائیں گے، انگلش اسکواڈ میں شامل پلیئرز کے نام یہ ہیں۔ الیسٹرکک ( کپتان )، ایڈم لیتھ، ای ین بیل، جوئے روٹ، جونی بیئراسٹو، بین اسٹوکس، جوز بٹلر، معین علی، اسٹورٹ براڈ، مارک ووڈ، اسٹیون فن، جیمز اینڈرسن، لیام پلنکٹ اور عادل راشد۔