لاہور (این این آئی)نواب ٹائون پولیس نے نومولود بچے کو دفنانے کی کوشش ناکام بناتے ہوئے3ملزمان رنگے ہاتھوں گرفتار کر لیے۔ترجمان ڈی آئی جی آپریشنز کے مطابق نواب ٹائون پولیس نے 15کال پر پائن ایونیو روڈ کے قریب سے ملزمان گرفتار کیے۔ملزمان زمین میں گڑھا کھود کر نومولود بچے کو دفنا رہے تھے۔
گرفتار ملزمان میں ایک مرد اور 2خواتین شامل ہیں۔، ترجمان ڈی آئی جی آپریشنز نے بتایا کہ ابتدائی تفتیش میں ملزمان نے مبینہ اسقاط حمل سے متعلق انکشافات کیے۔ملزمان نے مبینہ طور پر جرم چھپانے کی غرض سے نومولود کو دفنانے کی کوشش کی۔ ترجمان کے مطابق واقعہ پر متعلقہ دفعات کے تحت مقدمہ درج کیا گیااور تفتیش انویسٹی گیشن ونگ کے حوالے کر دی گئی ہے جبکہ تمام پہلوئوں پر شفاف اور میرٹ پر تفتیش جاری ہے۔
