چنئی(نیوزڈیسک)بھارتی کرکٹ پر داغ لگ گیا، جنوبی افریقا “اے” ٹیم کے 10 کھلاڑی ناقص کھانے کے باعث فوڈ پوائزن کا شکار ہوگئے۔بلند و بانگ دعوے کرنے والے بھارت کے شہر چنئی میں میزبان بھارت، جنوبی افریقا اورآسٹریلیا کی “اے” ٹیموں کے درمیان سہہ فریقی سیریز کھیلی جارہی ہے ،ناقص کھانا کھانے کے باعث جنوبی افریقہ کی ٹیم کے 10 کھلاڑیوں کے فوڈ پوائزن کا شکار ہونے کے بعد سیریز کا شیڈول تبدیل کردیاگیا۔ جنوبی افریقا اور بھارتی “اے” ٹیم کے درمیان میچ شروع ہونے سے قبل ہی مہمان ٹیم کے 3 کھلاڑیوں کو اسپتال لے جایا گیا جس کے بعد میچ کے دوران مزید 6 کھلاڑیوں کی طبیعت خراب ہوگئی جس کے بعد انہیں بھی فوری طور پراسپتال منتقل کیا گیا۔