ناٹنگھم (نیوز ڈیسک) ایشنز سیریز کے چوتھے ٹیسٹ کا آج تیسرا روز ، انگلینڈ فتح کے قریب ، آسٹریلیا کو اننگز کی شکست سے بچنے کیلئے مزید نوے رنز درکار ۔ صرف تین وکٹیں باقی رہ گئی ہیں ۔ ناٹنگھم ٹیسٹ میں آسٹریلوی ٹیم پر شکست کے بادل چھا گئے ، انگلش ٹیم میچ اور سیریز جیتنے کے قریب ، ناٹنگھم میں کھیل کے دوسرے روز انگلینڈ نے نووکٹوں پر تین سواکیانوے رنز بنا کر پہلی اننگز ڈیکلیئر کی ۔ انگلش کو پہلی اننگز میں تین سواکتیس رنز کی برتری ملی ۔ جوروٹ ایک سو تیس رنز بنا کر نمایاں رہے ۔ مچل اسٹارک نے چھ شکا رکئے ۔ آسٹریلوی ٹیم دوسری اننگز میں بھی مشکلات کا شکار رہی دو سو اکتایس رنز پر سات کینگر وز پویلین لوٹ گئے ۔ کینگروز کو اننگز کی شکست سے بچنے کیلئے مزید نوے رنز درکار ہیں جبکہ اس کی تین وکٹیں باقی ہیں ۔