لاہور(نیوز ڈیسک)کلائی کی انجری کے شکار بلے باز صہیب مقصود مکمل فٹ ہوگئے جبکہ آل راﺅنڈر حارث سہیل کو انجری سے نجات پانے کیلئے ابھی وقت درکار ہے،بلے باز صہیب مقصود کلائی کی انجری کی وجہ سے جبکہ آل راو¿نڈر حارث سہیل گھٹنے کی انجری کی بنا پر قومی ٹیم سے باہر ہیں،صہیب مقصود نے کلائی کی انجری سے نجات پا کر بیٹنگ کی ٹریننگ کا بھی آغاز کردیا اور حارث سہیل کی گھٹنے کی انجری کو چھٹکارا پانے میں وقت لگے گا ¾نیشنل کرکٹ اکیڈمی میں ان کی انجریز پر کام جاری ہے،قومی ٹی ٹوئنٹی کپ میں دونوں ان ایکشن ہونگے،سلیکٹرز ایونٹ میں ان کی فٹنس اور فارم کا جائزہ لیکر دورہ زمبابوے میں انہیں دوبارہ آزمانے کا فیصلہ کریں گے۔