ہیمبرگ (نیوز ڈیسک ) سپینش پلیئر رافیل نڈال اور اٹلی کے فابیو فوگنینی نے ہیمبرگ ٹینس ٹورنامنٹ کے فائنل میں جگہ بنا لی۔ جرمنی میں جاری ہیمبرگ ٹینس ٹورنامنٹ کے سیمی فائنل میں عالمی نمبر 10 رافیل نڈال کا مقابلہ اٹلی کے اینڈریاس سیپی سے ہوا۔ ورلڈ کلاس ہسپانوی پلیئر رافیل نڈال نے حریف کو ناکوں چنے چبواتے ہوئے جم کر کھیلنے کو موقع نہ دیا۔ اور اینڈریاس سیپی کو سٹریٹ سیٹس میں یکطرفہ مقابلے کے بعد چھ ایک اور چھ دو سے ہرا دیا۔ ایونٹ کے دوسرے سیمی فائنل میں اطالوی ٹینس پلیئر فیبیو فوگنینی کا سامنا فرانسیسی لوکاس پولی سے ہوا۔ اٹلی کے کھلاڑی نے حریف کھلاڑی کو سٹریٹ سیٹس میں چھ دو ، سات چھ سے مات دے کر فائنل کا ٹکٹ حاصل کیا۔ ایونٹ کا فائنل عالمی نمبر 10 رافیل نڈال اور فیبیو فوگنینی کے درمیان کھیلا جائے گا۔