کولمبو (نیوزڈیسک)سری لنکا کے خلاف دوسرے ٹی ٹوئنٹی میں شاندار کار کر دگی کا مظاہر ہ کر نے والے مین آف دی میچ انور علی نے کہا ہے کہ ہر گیند کو میرٹ پر کھیلا، خوشی ہے میری اننگز ٹیم کے کام آئی۔ میڈیا سے گفتگو کرتے ہوئے انہوںنے کہاکہ سری لنکا کے خلاف کامیابی پر خوشی ہے اور میری اننگز ٹیم کے کام آئی مین آف دی سیریز شعیب ملک نے کہاکہ آپ اپنے کیریئر کے آخری برسوں میں اپنی کرکٹ سے زیادہ لطف اندوز ہوتے اور میں بھی ایسا ہی کررہا ہوں، ایک آل راؤنڈر ہونے کے ناطے میں ہر قسم کی صورتحال کیلئے تیار رہتا ہوں، ٹوئنٹی 20 لیگز کھیلنے سے بہت کچھ سیکھنے کو ملتا ہے۔