اسلام آباد(نیوز ڈیسک) تیسرے اور فیصلہ کن ٹیسٹ کی پہلی اننگز میں سری لنکا کی پاکستان کے خلاف بیٹنگ جاری ہے۔سری لنکا کے پالی کیلے کرکٹ گرانڈ میں کھیلے جا رہے میچ میں آئی لینڈرز کی پاکستان کے خلاف پہلی اننگز میں بیٹنگ جاری ہے اور سری لنکا نے ایک وکٹ کے نقصان پر 15 رنز بنا لئے ہیں۔ کوشال سلوا 9 رنز بنا کر راحت علی کی گیند پر وکٹ کے پیچھے کیچ آٹ ہوئے۔قبل ازیں پاکستان کے کپتان مصباح الحق نے ٹاس جیت کر میزبان ٹیم کو پہلے بیٹنگ کی دعوت دی۔ قومی ٹیم میں تیسرے ٹیسٹ کے لئے 4 تبدیلیاں کی گئی ہیں۔ وہاب ریاض، جنید خان، محمد حفیظ اور ذوالفقار بابر کی جگہ شان مسعود، عمران خان، احسان عادل اور راحت علی کو ٹیم میں شامل کیا گیا ہے۔واضح رہے کہ 3 ٹیسٹ میچوں کی سیریز ایک ایک سے برابر ہے، پہلے ٹیسٹ میں پاکستان نے سری لنکا کو 10 وکٹوں سے جب کہ دوسرے ٹیسٹ میں سری لنکا نے پاکستان کو 7 وکٹوں سے شکست دی تھی۔