اسلام آباد(نیوز ڈیسک) قومی کرکٹ ٹیم کے مڈل آرڈر بلے باز حارث سہیل زخمی ہونے کے باعث دورہ سری لنکا سے باہر ہوگئے ہیں۔ میڈیا رپورٹس کے مطابق25سالہ حارث سہیل نے ٹیم مینجمنٹ سے گھٹنے میں درد کی شکایت کی جس کے بعد انہو ں نے سری لنکا کے خلاف دوسرے ٹیسٹ میچ کے سلسلے میں کولمبو میں جاری قومی ٹیم کے پریکٹس سیشن میں بھی حصہ نہیں لیا اور اب ٹیم مینجمنٹ نے انہیں وطن واپس بھیجنے کا فیصلہ کیا تاہم ابھی ان کے متبادل کھلاڑی کا فیصلہ نہیں کیا گیا ہے۔ ممکنہ طور پر ان کی جگہ مختار احمد کو بھیجا جاسکتا ہے۔