لندن(نیوزڈیسک) سابق انگلش بیٹسمین اویس شاہ ٹی ٹوئنٹی کرکٹ سے لطف اندوز ہونے لگے۔ ان کا کہنا ہے کہ صر ف مختصر طرز کے مقابلوں میں حصہ لینے پر بھی وہ خاصے خوش ہیں۔ انہوں نے بتایا کہ وہ ہفتے کے ہر دن کرکٹ نہیں کھیل سکتے تاہم وہ مطمئن ہیں اور فی الوقت اپنی زندگی کا مزہ اٹھا رہے ہیں۔ ان کا کہنا ہے کہ وہ ہفتے میں ایک یا دو مرتبہ کھیل سکتے ہیں اور ویک اینڈ پر تھوڑا بہت کلب کرکٹ کیلئے وقت نکالا جا سکتا ہے۔ انہوں نے بتایا کہ وہ ہر مقابلے میں اپنا حصہ ڈالنا چاہتے ہیں اور جس حد تک ہو سکے۔ ان کا اپنی کارکردگی میں تسلسل پر بھی دھیان ہے۔