لاہور(نیوز ڈیسک) لاہور پولیس نے زمبابوے ٹیم کی سیکیورٹی کے لئے انتہائی فول پروف انتظامات کو حتمی شکل دیدی ہے جن کے مطابق جہاں جہاں زمبابوے ٹیم موجود ہوگی۔ وہاں کرفیو نافذ کیا جائے جبکہ فضائی نگرانی بھی کی جائے گی۔ زمبابوے ٹیم کے ہوٹل اور سٹیڈیم کے قریب عارضی ہیلی پیڈ بنائے جائینگے جبکہ اردگرد کسی بھی غیر متعلقہ شخص کے آنے کی اجازت نہیں ہو گی پولیس نے ہیلی کاپٹر کی فراہمی کے لئے وزارت داخلہ سے رجوع کر لیا ہے اور زمبابوے ٹیم کی آمد کے موقع پر تین ہزار پولیس اہلکار اور ایلیٹ فورس کی سو گاڑیاں تعینات ہوں گی۔