ساﺅ پالو (نیوز ڈیسک) لیجنڈری فٹبالر پیلے کی سرجری کامیاب رہی ہے اور انہیں طبیعت سنبھلنے پر ہسپتال سے گھر منتقل کردیا گیا ہے۔ پیلے کے پروسٹیٹ گلینڈز میں تکلیف تھی جس سے نجات کیلئے ڈاکٹرز نے گزشتہ ہفتے ان کی سرجری کی تھی۔ ہسپتال ذرائع کے مطابق امکان تھا کہ پیلےکو پروسٹیٹ کینسر ہے تاہم ان کے گلینڈز سے کوئی رسولی برآمد نہ ہوئی۔ گزشتہ چھ ماہ کے دوران یہ دوسرا موقع ہے جب74 سالہ لیجنڈری فٹبالر کو خرابی صحت کی وجہ سے ہسپتال داخل ہونا پڑا ہے۔ گزشتہ بار وہ گردے کی تکلیف کی وجہ سے ہسپتال داخل رہے تھے۔