لاس ویگاس (نیوز ڈیسک) فلپائنی باکسر مینی پیکیاو¿ نے فائٹ آف دی سنچری کے بعد پریس کانفرنس میں انکشاف کیا ہے کہ ان کا کندھا تین ہفتے قبل ٹریننگ کے دوران زخمی ہوگیا تھا جس کی وجہ سے وہ فائٹ سے دستبرداری پر بھی غور کررہے تھے۔ انہوں نے کہا کہ اس سلسلے میں نیواڈا کے سٹیٹ اتھلیٹک کمیشن کو بھی مطلع کیا گیا تھا کہ ممکنہ طور پر وہ لڑائی کو ملتوی کرنا چاہیں گے۔ پکیاو¿ نے اس سلسلے میں کمیشن سے درد کش انجکشن کی بھی درخواست کی تھی تاہم اسے کمیشن نے رد کردیا۔ دوسری جانب کمیشن نے کہا ہے کہ لڑائی سے قبل شام ساڑھے چھ بجے تک کسی انجکشن کو ان سے طلب نہیں کیاگیا اور نہ ہی وزن کئے جانے تک انہیں کسی مسئلے کی اطلاع دی گئی۔ عین لڑائی سے قبل انجکشن طلب کیا گیا تھا جس پر اسے دینے سے انکار کیا گیا۔ پکیاو¿ کا کہنا ہے کہ تیسرے راو¿نڈ میں انہیں درد شروع ہوگیا تھا جس کے بعد وہ اپنے دائیں ہاتھ کو ٹھیک طرح استعمال نہیں کرپارہے تھے۔ پیکیاو¿ کے ٹرینر فریڈی کے مطابق پیکیاو¿ کی یہ چوٹ بہت پرانی ہے جو کہ تین ہفتہ قبل ٹریننگ کے دوران ایک بار پھر تازہ ہوگئی اور لڑائی کے نتائج پر اثر انداز ہوئی۔ ادھر مے ویدر کا کہنا ہے کہ وہ بھی باکسر ہیں اور ان کے ہاتھ بھی زخمی ہیں لیکن یہ لڑائی ہے اور اگر ان کے حریف جیتتے تو وہ کبھی بھی یہ نہ کہتے بلکہ کہتے کہ آج کے دن ان کے حریف نے زیادہ بہتر کھیلا۔