ﺑﻨﯽ ﺍﺳﺮﺍﺋﯿﻞ ﮐﮯ ﺍﯾﮏ ﺁﺩﻣﯽ ﻧﮯ ﺑﻨﯽ ﺍﺳﺮﺍﺋﯿﻞ ﮐﮯ ﺍﯾﮏ ﺩﻭﺳﺮﮮ ﺁﺩﻣﯽ ﺳﮯ ﺍﯾﮏ ﮨﺰﺍﺭ ﺩﯾﻨﺎﺭ ﻗﺮﺽ ﻣﺎﻧﮕﮯ ۔ ﺍﺱ ﻧﮯ ﮐﮩﺎ ﮐﮧ ﭘﮩﻠﮯ ﺍﯾﺴﮯ ﮔﻮﺍﮦ ﻻ ﺟﻦ ﮐﯽ ﮔﻮﺍﮨﯽ ﭘﺮ ﻣﺠﮭﮯ ﺍﻋﺘﺒﺎﺭ ﮨﻮ۔ ﻗﺮﺽ ﻣﺎﻧﮕﻨﮯ ﻭﺍﻻ ﺑﻮﻻ ﮐﮧ ﮔﻮﺍﮦ ﺗﻮ ﺑﺲ ﺍﻟﻠﮧ ﮨﯽ ﮐﺎﻓﯽ ﮨﮯ ﭘﮭﺮ ﺍﺱ ﻧﮯ ﮐﮩﺎ ﮐﮧ ﺍﭼﮭﺎ ﮐﻮﺋﯽ ﺿﺎﻣﻦ ﻻ۔ ﻗﺮﺽ ﻣﺎﻧﮕﻨﮯ ﻭﺍﻻ ﺑﻮﻻ ﮐﮧ ﺿﺎﻣﻦ ﺑﮭﯽ ﺍﻟﻠﮧ ﮨﯽ ﮐﺎﻓﯽ ﮨﮯ۔ ﺍﺱ ﻧﮯ ﮐﮩﺎ ﮐﮧ ﺗُﻮ ﻧﮯ ﺳﭽﯽ ﺑﺎﺕ ﮐﮩﯽ ۔ ﭼﻨﺎﻧﭽﮧ ﺍﺱ ﻧﮯ ﺍﯾﮏ ﻣﻘﺮﺭﮦ ﻣﺪﺕ ﮐﮯ ﻟﺌﮯ ﺍﺱ ﺩﻭﺳﺮﮮ ﺷﺨﺺ ﮐﻮ ﻗﺮﺽ ﺩﮮ ﺩﯾﺎ۔
ﯾﮧ ﺻﺎﺣﺐ ﻗﺮﺽ ﻟﮯ ﮐﺮ ﺩﺭﯾﺎﺋﯽ ﺳﻔﺮ ﭘﺮ ﺭﻭﺍﻧﮧ ﮨﻮﺋﮯ ۔ ﺍﻭﺭ ﭘﮭﺮ ﺍپنی ﺿﺮﻭﺭﺕ ﭘﻮﺭﯼ ﮐﺮ ﮐﮯ ﮐﺴﯽ ﺳﻮﺍﺭﯼ ( ﮐﺸﺘﯽ ) ﮐﯽ ﺗﻼﺵ ﮐﯽ ﺗﺎ ﮐﮧ ﺍﺱ ﺳﮯ ﺩﺭﯾﺎ ﭘﺎﺭ ﮐﺮ ﮐﮯ ﺍﺱ ﻣﻘﺮﺭﮦ ﻣﺪﺕ ﺗﮏ ﻗﺮﺽ ﺩﯾﻨﮯ ﻭﺍﻟﮯ ﮐﮯ ﭘﺎﺱ ﭘﮩﻨﭻ ﺳﮑﮯ ﺟﻮ ﺍﺱ ﺳﮯ ﻃﮯ ﭘﺎﺋﯽ ﺗﮭﯽ ۔ ( ﺍﻭﺭ ﺍﺱ ﮐﺎ ﻗﺮﺽ ﺍﺩﺍ ﮐﺮﮮ ) ﻟﯿﮑﻦ ﮐﻮﺋﯽ ﺳﻮﺍﺭﯼ ﻧﮧ ﻣﻠﯽ ۔ ﺁﺧﺮ ﺍﺱ ﻧﮯ ﺍﯾﮏ ﻟﮑﮍﯼ ﻟﯽ ﺍﻭﺭ ﺍﺱ ﻣﯿﮟ ﺳﻮﺭﺍﺥ ﮐﯿﺎ ۔ ﭘﮭﺮ ﺍﯾﮏ ﮨﺰﺍﺭ ﺩﯾﻨﺎﺭ ﺍﻭﺭ ﺍﯾﮏ ﺧﻂ ﮐﮧ ﺍﺱ ﮐﯽ ﻃﺮﻑ ﺳﮯ ﻗﺮﺽ ﺩﯾﻨﮯ ﻭﺍﻟﮯ ﮐﯽ ﻃﺮﻑ ( ﯾﮧ ﺩﯾﻨﺎﺭ ﺑﮭﯿﺠﮯ ﺟﺎ ﺭﮨﮯ ﮨﯿﮟ ) ﺍﻭﺭ ﺍﺱ ﮐﺎ ﻣﻨﮧ ﺑﻨﺪ ﮐﺮ ﺩﯾﺎ ﺍﻭﺭ ﺍﺳﮯ ﺩﺭﯾﺎ ﭘﺮ ﻟﮯ ﺁﺋﮯ ۔ ﭘﮭﺮ ﮐﮩﺎ ، ﺍﮮ ﺍﻟﻠﮧ ! ﺗُﻮ ﺧﻮﺏ ﺟﺎﻧﺘﺎ ﮨﮯﮐﮧ ﻣﯿﮟ ﻧﮯ ﻓﻼﮞ ﺷﺨﺺ ﺳﮯ ﺍﯾﮏ ﮨﺰﺍﺭ ﺩﯾﻨﺎﺭ ﻗﺮﺽ ﻟﺌﮯ ﺗﮭﮯ ۔ ﺍﺱ ﻧﮯ ﻣﺠﮭﮯ ﺳﮯ ﺿﺎﻣﻦ ﻣﺎﻧﮕﺎ ، ﺗﻮ ﻣﯿﮟ ﻧﮯ ﮐﮩﮧ ﺩﯾﺎ ﺗﮭﺎ ﮐﮧ ﻣﯿﺮﺍ ﺿﺎﻣﻦ ﺍﻟﻠﮧ ﺗﻌﺎﻟٰﯽ ﮐﺎﻓﯽ ﮨﮯ ﺍﻭﺭ ﻭﮦ ﺑﮭﯽ تجھ ﭘﺮ ﺭﺍﺿﯽ ﮨﻮﺍ۔ ﺍﺱ ﻧﮯ مجھ ﺳﮯ ﮔﻮﺍﮦ ﻣﺎﻧﮕﺎ ﺗﻮ ﺍﺱ ﮐﺎ ﺑﮭﯽ ﺟﻮﺍﺏ ﻣﯿﮟ ﻧﮯ ﯾﮩﯽ ﺩﯾﺎ ﮐﮧ ﺍﻟﻠﮧ ﭘﺎﮎ ﮔﻮﺍﮦ ﮐﺎﻓﯽ ﮨﮯ۔ ﺗﻮ ﻭﮦ مجھ ﭘﺮ ﺭﺍﺿﯽ ﮨﻮ ﮔﯿﺎ۔ ﺍﻭﺭ ( ﺗﻮ ﺟﺎﻧﺘﺎ ﮨﮯ ﮐﮧ ) ﻣﯿﮟ ﻧﮯ ﺑﮩﺖ ﮐﻮﺷﺶ ﮐﯽ ﮐﮧ ﮐﻮﺋﯽ ﺳﻮﺍﺭﯼ ﻣﻠﮯ ﺟﺲ ﮐﮯ ﺫﺭﯾﻌﮧ ﻣﯿﮟ ﺍﺱ ﮐﺎ ﻗﺮﺽ ﺍﺱ ﺗﮏ ( ﻣﺪﺕ ﻣﻘﺮﺭﮦ ﻣﯿﮟ ﭘﮩﻨﭽﺎ ) ﺳﮑﻮﮞ ﻟﯿﮑﻦ ﻣﺠﮭﮯ ﺍﺱ ﻣﯿﮟ ﺑﮭﯽ ﮐﺎﻣﯿﺎﺑﯽ ﻧﮩﯿﮟ ﮨﻮﺋﯽ ۔ ﺍﺱ ﻟﺌﮯ ﺍﺏ ﻣﯿﮟ ﺍﺱ ﮐﻮ ﺗﯿﺮﮮ ﮨﯽ ﺣﻮﺍﻟﮯ ﮐﺮﺗﺎ ﮨﻮﮞ ( ﮐﮧ ﺗﻮ ﺍﺱ ﺗﮏ ﭘﮩﻨﭽﺎ ﺩﮮ ) ۔ ﭼﻨﺎﻧﭽﮧ ﺍﺱ ﻧﮯ ﻭﮦ ﻟﮑﮍﯼ ﺟﺲ ﻣﯿﮟ ﺭﻗﻢ ﺗﮭﯽ ﺩﺭﯾﺎ ﻣﯿﮟ ﺑﮩﺎ ﺩﯼ۔ ﺍﺏ ﻭﮦ ﺩﺭﯾﺎ ﻣﯿﮟ ﺗﮭﯽ ﺍﻭﺭ ﻭﮦ ﺻﺎﺣﺐ ﻗﺮﺽ ﺩﺍﺭ ﻭﺍﭘﺲ ﮨﻮ ﭼﮑﮯ ﺗﮭﮯ ۔ ﺍﮔﺮﭼﮧ ﻓﮑﺮ ﺍﺏ ﺑﮭﯽ ﯾﮩﯽ ﺗﮭﯽ ﮐﮧ ﮐﺴﯽ ﻃﺮﺡ ﮐﻮﺋﯽ ﺟﮩﺎﺯ ﻣﻠﮯ ﺟﺲ ﮐﮯ ﺫﺭﯾﻌﮧ ﻭﮦ ﺍﭘﻨﮯ ﺷﮩﺮ ﻣﯿﮟ ﺟﺎ ﺳﮑﯿﮟ ۔
ﺩﻭﺳﺮﯼ ﻃﺮﻑ ﻭﮦ ﺻﺎﺣﺐ ﺟﻨﮭﻮﮞ ﻧﮯ ﻗﺮﺽ ﺩﯾﺎ ﺗﮭﺎ ﻭﮦ ﺍﺳﯽ ﺗﻼﺵ ﻣﯿﮟ ( ﺑﻨﺪﺭﮔﺎﮦ ) ﺁﺋﮯ ﮐﮧ ﻣﻤﮑﻦ ﮨﮯ ﮐﻮﺋﯽ ﺟﮩﺎﺯ ﺍﻥ ﮐﺎ ﻣﺎﻝ ﻟﮯ ﮐﺮ ﺁﯾﺎ ﮨﻮ۔ ﻟﯿﮑﻦ ﻭﮨﺎﮞ ﺍﻧﮭﯿﮟ ﺍﯾﮏ ﻟﮑﮍﯼ ﻣﻠﯽ ﻭﮨﯽ ﺟﺲ ﻣﯿﮟ ﻣﺎﻝ ﺗﮭﺎ ۔ ﺍﻧﮭﻮﮞ ﻧﮯ ﻭﮦ ﻟﮑﮍﯼ ﺍﭘﻨﮯ ﮔﮭﺮ ﮐﮯ ﺍﯾﻨﺪﮬﻦ ﮐﮯ ﻟﺌﮯ ﻟﮯ ﻟﯽ۔ ﻟﯿﮑﻦ ﺟﺐ ﺍﺳﮯ ﭼﯿﺮﺍ ﺗﻮ ﺍﺱ ﻣﯿﮟ ﺳﮯ ﺩﯾﻨﺎﺭ ﻧﮑﻠﮯ ﺍﻭﺭ ﺍﯾﮏ ﺧﻂ ﺑﮭﯽ ﻧﮑﻼ۔ ( کچھ ﺩﻧﻮﮞ ﺑﻌﺪ ﺟﺐ ﻭﮦ ﺻﺎﺣﺐ ﺍﭘﻨﮯ ﺷﮩﺮ ﺁﺋﮯ ) ﺗﻮ ﻗﺮﺽ ﺧﻮﺍﮦ ﮐﮯ ﮔﮭﺮ ﺁﺋﮯ ۔
ﺍﻭﺭ ( ﯾﮧ ﺧﯿﺎﻝ ﮐﺮ ﮐﮯ ﮐﮧ ﺷﺎﺋﯿﺪ ﻭﮦ ﻟﮑﮍﯼ ﻧﮧ ﻣﻞ ﺳﮑﯽ ﮨﻮ ﺩﻭﺑﺎﺭﮦ ) ﺍﯾﮏ ﮨﺰﺍﺭ ﺩﯾﻨﺎﺭ ﺍﻥ ﮐﯽ ﺧﺪﻣﺖ ﻣﯿﮟ ﭘﯿﺶ ﮐﺮ ﺩﺋﯿﮯ ۔ ﺍﻭﺭ ﮐﮩﺎ ﮐﮧ ﻗﺴﻢ ﺍﻟﻠﮧ ﮐﯽ ! ﻣﯿﮟ ﺗﻮ ﺑﺮﺍﺑﺮ ﺍﺳﯽ ﮐﻮﺷﺶ ﻣﯿﮟ ﺭﮨﺎ ﮐﮧ ﮐﻮﺋﯽ ﺟﮩﺎﺯ ﻣﻠﮯ ﺗﻮ ﺗﻤﮭﺎﺭﮮ ﭘﺎﺱ ﺗﻤﮭﺎﺭﺍ ﻣﺎﻝ ﻟﮯ ﮐﺮ ﭘﮩﻨﭽﻮﮞ۔ ﻟﯿﮑﻦ ﺍﺱ ﺩﻥ ﺳﮯ ﭘﮩﻠﮯ ﺟﺐ ﮐﮧ ﻣﯿﮟ ﯾﮩﺎﮞ ﭘﮩﻨﭽﻨﮯ ﮐﮯ ﻟﺌﮯ ﺳﻮﺍﺭ ﮨﻮﺍ ﻣﺠﮭﮯ ﺍﭘﻨﯽ ﮐﻮﺷﺸﻮﮞ ﻣﯿﮟ ﮐﺎﻣﯿﺎﺑﯽ ﻧﮧ ﮨﻮﺋﯽ ۔ ﭘﮭﺮ ﺍﻧﮭﻮﮞ ﻧﮯ ﭘﻮﭼﮭﺎ ﮐﮧ ﺍﭼﮭﺎ ﯾﮧ ﺑﺘﺎﺅ ﮐﮧ ﮐﻮﺋﯽ ﭼﯿﺰ ﮐﺒﮭﯽ ﺗﻢ ﻧﮯ ﻣﯿﺮﮮ ﻧﺎﻡ ﺑﮭﯿﺠﯽ ﺗﮭﯽ؟ ﻣﻘﺮﻭﺽ ﻧﮯ ﺟﻮﺍﺏ ﺩﯾﺎ ﺑﺘﺎ ﺗﻮ ﺭﮨﺎ ﮨﻮﮞ ﮐﮧ ﮐﻮﺋﯽ ﺟﮩﺎﺯ ﺑﮭﯽ مجھ ﺍﺱ ﺟﮩﺎﺯ ﺳﮯ ﭘﮩﻠﮯ ﻧﮩﯿﮟ ﻣﻼ ﺟﺲ ﺳﮯ ﻣﯿﮟ ﺁﺝ ﭘﮩﻨﭽﺎ ﮨﻮﮞ۔
ﺍﺱ ﭘﺮ ﻗﺮﺽ ﺧﻮﺍﮦ ﻧﮯ ﮐﮩﺎ ﮐﮧ ﭘﮭﺮ ﺍﻟﻠﮧ ﻧﮯ ﺑﮭﯽ ﺁﭖ ﮐﺎ ﻭﮦ ﻗﺮﺽ ﺍﺩﺍ ﮐﺮ ﺩﯾﺎ ﺟﺴﮯ ﺁﭖ ﻧﮯ ﻟﮑﮍﯼ ﻣﯿﮟ ﺑﮭﯿﺠﺎ ﺗﮭﺎ ۔ ﭼﻨﺎﻧﭽﮧ ﻭﮦ ﺻﺎﺣﺐ ﺍﭘﻨﺎ ﮨﺰﺍﺭ ﺩﯾﻨﺎﺭ ﻟﮯ ﮐﺮ ﺧﻮﺵ ﺧﻮﺵ ﻭﺍﭘﺲ ﻟﻮﭦ ﮔﺌﮯ ۔
