اسلام آباد (نیوز ڈیسک) فرانسیسی صدر ایمانوئل میکرون نے اپنی اہلیہ کے بارے میں پھیلنے والی افواہوں کو ختم کرنے کے لیے امریکی عدالت میں باقاعدہ شواہد جمع کرانے کا فیصلہ کیا ہے۔برطانوی میڈیا کے مطابق صدر میکرون عدالت میں یہ ثابت کریں گے کہ ان کی اہلیہ ایک خاتون ہیں، نہ کہ جیسا کہ ان کے خلاف جھوٹی افواہیں پھیلائی گئیں۔
میکرون خاندان کے وکیل نے بتایا ہے کہ اس مقصد کے لیے عدالت کو تصویری ثبوت، سائنسی رپورٹس اور ماہرین کی گواہیاں پیش کی جائیں گی تاکہ حقیقت واضح ہو سکے۔دوسری طرف امریکی تجزیہ کار کینڈیس اوونز، جنہوں نے یہ دعویٰ کیا تھا کہ میکرون کی اہلیہ مرد ہیں، اپنے مؤقف پر قائم ہیں۔ ان کا کہنا ہے کہ وہ اس معاملے میں اپنے پورے پیشہ ورانہ کیریئر کی ساکھ کو داؤ پر لگانے کے لیے تیار ہیں۔اوونز کے وکلاء نے بھی عدالت سے درخواست کی ہے کہ میکرون فیملی کی جانب سے دائر کیا گیا مقدمہ خارج کر دیا جائے۔
