ٹری ہوٹل‘سویڈن:
تعمیراتی لحاظ سے کسی بھی ذہن کوچکرادینے والا یہ ٹری ہوٹل سویڈن کے شمالی کونے میں ایک گھنے جنگل کے وسط میں واقع ہے‘اس کا ہر کمرہ درحقیقت شیشے کا کیبن ہے جسے ماحول دوست ٹیکنالوجی پر تعمیرکیا گیا ہے تاہم پہلے جنگل میں طویل پیدل سفر کے بعد آپ کو یہاں پہنچناپڑے گا۔
بارکلے ریورلاج‘آسٹریلیا:
اگر آپ اجنبی صحرائی ایڈونچرکا مزہ لینے چاہتے ہیں تو بارکلے ریورلاج آپ کے لیے بہترین منزل ثابت ہوگا۔ کیمبرلے کے ساحل پر واقع اس ہوٹل تک رسائی کے لیے ہی آپ کو کسی نجی طیارے‘کشتی یا ہیلی کاپٹر کی مدد لینا پڑے گی مگر وہاں پہنچ کر آپ کو ہر طرح کا آرام اور طعام ملے گاجبکہ آس پاس جنگلی حیات کی بھر مار ہو سکتی ہے جو آپ کی نیند اڑادے گی۔
