کراچی(این این آئی)سابق چیئرمین پاکستان کرکٹ بورڈرمیز راجہ نے ایشیا کپ کے معاملے پر نجم سیٹھی کو تنقید کا نشانہ بنا ڈالا۔ رمیز راجہ نے اپنے ایک بیان میں کہا کہ پاکستان کرکٹ بورڈ کی منیجمنٹ کمیٹی کے چیئرمین نجم سیٹھی نیانگلینڈ میں ایشیاکپ کھیلنے کی بات کی

جس کا کوئی جواز نہیں بنتا۔رمیز راجہ نے کہا کہ ایشیاکپ کا مقصد برصغیر کی کنڈیشنز سے ورلڈکپ سے قبل ہم آہنگ ہونا ہے، نجم سیٹھی نے ایشیاکپ کا فائنل لارڈز میں کرانے کا کہا ہے۔انہوںنے کہاکہ مشکل اقدامات کر کے پاکستان میں بڑی ٹیموں کو دورہ کروایا ہے، نجم سیٹھی کہہ رہے ہیں کہ ٹیکس کے باعث پی ایس ایل عرب امارات لے کر جانا چاہیے۔سابق چیئرمین پی سی بی نے کہا کہ ایشیاکپ یورپ اور پی ایس ایل دبئی میں کروانے کی باتوں سے کرکٹ کہاں لیجائی جارہی ہے جبکہ پی سی بی کے ریجنل انتخابات میں دھاندلی کی جا رہی ہے۔رمیز راجہ نے کہا کہ شان مسعود کے پاس فارم نہیں تو زبردستی کیوں کھلایا جائے، پاکستان کرکٹ ٹیم کا کمبی نیشن مشکل سے بنایا لیکن چھیڑ چھاڑ جاری ہے۔