راولپنڈی (این این آئی)راولپنڈی میں تیسرے دن بھی نان بائیوں کی ہڑتال جاری رہی ۔تفصیلات کے مطابق شہریوں کو ناشتہ، لنچ میں شدید مشکلات کا سامنا ہے ،اکثر افراد بغیر ناشتہ کیے اسکولز اور دفاتر روانہ ہوئے ۔ تفصیلات کے مطابق راولپنڈی کے شہری صبح ناشتہ میں نان، روغنی نان، تنوری پراٹھوں سے تیسرے دن بھی محروم رہے شہریوں کی بڑی تعداد کی بیکریوں سے رس کیک، بن اور شیر مال کی خریداری میں اضافہ ہوا ہے۔نان بائیوں نے ہڑتال کا دائرہ پنجاب بھر تک پھیلانے کا اعلان کر دیا ہے۔

صدر نان بائی ایسوسی ایشن شفیق قریشی نے کہاکہ ہم جیل بھرو تحریک شروع کرنے جا رہے ہیں، ہم 10500 روپے بوری سرخ آٹا خرید کر 14 روپے روٹی اب فروخت نہیں کرینگے۔صدر ایسوسی ایشن نے کہا کہ موجودہ حکومت آئی آٹا سرخ بوری 5500 روپے سے 10500 روپے ہوگیا ہے ، میدہ فائن آٹا بوری 6200 روپے تھی اور 12 ہزار روپے ہوگئی ہے۔