ریاض ( این این آئی) سعودی عرب نے دنیا کی مہنگی ترین کرکٹ ٹی ٹونٹی لیگ کا منصوبہ تیار کر لیا۔ آسٹریلوی میڈیا کے مطابق مہنگی ترین لیگ کے لیے سعودی عرب حکومت نے انڈین پریمیئر لیگ کے مالکان سے بات کی ہے۔اس حوالے سے آسٹریلوی میڈیا کا کہنا ہے کہ
مبینہ طور اس لیگ کا منصوبہ ورلڈکرکٹ کو تبدیل کر دے گا۔سعودی حکام نے ٹی ٹونٹی کرکٹ کی مہنگی ترین لیگ کو اپنا اگلا منصوبہ قرار دیا ہے۔آسٹریلوی میڈیا کے مطابق بھارتی کھلاڑیوں پر اپنے بورڈ کی جانب سے دیگر لیگز میں شرکت پر پابندی ہے اور سعودی عرب کے حکام کی تجویز کے بعد قوانین میں نرمی کیے جانے کا امکان ہے۔رپورٹس کے مطابق سعودی عرب میں لیگ کے حوالے سے بات چیت ایک برس پہلے شروع ہوئی، آئی سی سی چیئرمین گریگ بارکلے نے ایک انٹرویو میں سعودی سرمایہ کاری کی دلچسپی کی تصدیق کی تھی۔آسٹریلوی میڈیا کے مطابق سعودی حکام پرامید ہیں کہ دنیا کے لیے کرکٹ کا اگلا پڑائو سعودی عرب ہو گا۔
