احمد آباد (این این آئی)بھارت کے شہر احمد آباد میں زیادہ سے زیادہ تماشائیوں کے ایک دن میں ٹیسٹ میچ دیکھنے کا امکان ہے۔ میلبرن کرکٹ گرانڈ میں 2013-14 کی ایشیز سیریز کے دوران 91 ہزار 112 تماشائیوں کے ایک دن میں ٹیسٹ میچ دیکھنے کا ریکارڈ قائم ہوا تھا
تاہم اب یہ ریکارڈ احمد آباد کے نریندرا مودی اسٹیڈیم میں ٹوٹنے کا امکان ہے۔ میڈیارپورٹ کے مطابق آسٹریلیا اوربھارت کے درمیان چوتھا ٹیسٹ 9 مارچ سے نریندرا مودی اسٹیڈیم میں شروع ہو گا، احمد آباد کا یہ اسٹیڈیم دنیا کا سب سے بڑا کرکٹ وینیو ہے۔احمد آباد کے نریندرا مودی اسٹیڈیم میں 1 لاکھ 32 ہزار تماشائیوں کے بیٹھنے کی گنجائش ہے تاہم کہاجارہا ہے کہ احمد آباد ٹیسٹ میچ میں 1 لاکھ سے زائد افراد کے دیکھنے کا امکان ہے۔میڈیا رپورٹ کے مطابق آسٹریلوی فینز بڑی تعداد میں احمد آباد پہنچ رہے ہیں جس کے پیش نظر تجزیہ نگاروں نے پیش گوئی کی کہ میلبرن کرکٹ گرانڈ کا ریکارڈ کئی ہزار کے فرق سے ٹوٹ جائے گا۔واضح رہے کہ4 ٹیسٹ میچز کی سیریز میں بھارت کو 2 ایک سے برتری حاصل ہے۔
