مظفر آباد /وادی نیلم(این این آئی)آزادکشمیرکے مختلف اضلاع میں برفباری سے رابطہ سڑکیں بند ہوگئی ہیں۔وادی نیلم میں شاردہ کو کیل سے ملانے والی شاہراہ برفباری سے بند ہوگئی، ضلع جہلم میں ہٹیاں کو لیپہ سے ملانے والی شاہراہ بھی برفباری کے بعد بدستور بند رہی، چکار کو لیپہ سے ملانے والی شاہراہ سدھن گلی کے مقام پر بند رہی۔ضلع حویلی میں حاجی پیرکو حویلی سے ملانے والی شاہراہ برفباری سے بند ہوگئی ، ضلع باغ کو حویلی سے ملانے والی شاہراہ لسڈنہ کے مقام سے بند رہی، محمود گلی کو عباس پور سے ملانے والی شاہراہ محمود گلی کے مقام سے بند رہی، راولاکوٹ میں تولی پیرکو علی سوجل سے ملانیوالی شاہراہ بھی برفباری سے بند رہی۔رابطہ سڑکیں بند ہونے سے سخت سردی میں لوگوں کی مشکلات میں اضافہ ہوگیا ۔