ممبئی ( این این آئی) بھارتی کرکٹر رشبھ پنت کے خوفناک کار حادثے کے بعد ان کے ساتھی کرکٹر شیکھر دھون کی ایک پرانی ویڈیو سوشل میڈیا پر خوب وائرل ہو رہی ہے۔

سوشل میڈیا پر 2019ء کی ایک وائرل ویڈیو میں رشبھ پنت اپنے سینئر کرکٹر شیکھر دھون سے پوچھتے ہیں کہ وہ انہیں کیا مشورہ دینا چاہیں گے؟۔ جس پر بھارتی کرکٹ ٹیم کے اوپنر شیکھر دھون رشبھ پنت کو آرام سے گاڑی چلانے کا مشورہ دیتے ہوئے کہہ رہے ہیں کہ گاڑی آرام سے چلایا کر۔یہ ویڈیو امی نامی صارف نے ٹوئٹر پر شیئر کرتے ہوئے کیپشن لکھا کہ شیکھر دھون نے رشبھ پنت کو ڈرائیونگ کے بارے میں صحیح مشورہ دیا تھا۔واضح رہے کہ بھارتی کرکٹر رشبھ پنت کی گاڑی ہائی وے پر ریلنگ سے ٹکرا کر آتش کی زد میں آگئی تھی۔اس حادثے میں رشبھ پنت کو سر اور جسم کے دیگر حصوں پر شدید چوٹیں آئیں جنہیں فوری طور پر اسپتال منتقل کیا گیا تاہم ڈاکٹرز کا کہنا ہے کہ اب 25 سالہ بلے باز کی حالت خطرے سے باہر اور ہوش میں ہے۔