لاہور(مانیٹرنگ ڈیسک ٗ این این آئی)کاروباری ہفتے کے دوسرے روز انٹر بینک میں روپے کے مقابلے میں ڈالر 15 پیسے سستا ہو گیا ہے۔تفصیلات کے مطابق انٹر بینک میں ڈالر ڈالر 223 روپے 50پیسے کا ہو گیا، دوسری جانب ہنڈرڈ انڈیکس 150پوائنٹس اضافے سے 42ہزار 900پوائنٹس کی سطح عبور کر گیاہے۔علاوہ ازیں حکومت نے امریکی ڈالر کے مقابلے میں روپے کی قدر میں استحکام کے لئے اہم فیصلے کئے ہیں۔اس تناظر میں اوپن مارکیٹ سے ڈالرز خریدنے کی سالانہ حد ایک لاکھ ڈالر سے کم کرکے 50 ہزار ڈالر کردی گئی ہے۔اس کے علاوہ فاریکس ڈیلرز اور منی چینجرز کسی بھی شخص کو ایک دن میں 5 ہزار ڈالر سے زیادہ فروخت نہیں کرسکیں گے۔حکومت کی جانب سے یہ فیصلہ اوپن مارکیٹ میں سٹے بازی اور ڈالر مافیا کو کنٹرول کرنے کے لئے کیا گیا ہے ۔اسٹیٹ بینک اس حوالے سے جلد ہی فارن ایکسچینج مینول میں ترمیم کا نوٹی فکیشن بھی جاری کرے گا۔