بینکاک (این این آئی )تھائی وزیر اعظم نے سعودی ولی عہد کو الوداع کرتے ہوئے اپنے سر کو خاص انداز میں جھکایا۔ یہ ایک معمول کا جھکنا نہیں تھا، یہ احترام اور تعظیم کی علامت ہے اور تھائی ثقافت میں صدیوں سے مقبول ہے۔تھائی وزیر اعظم جنرل پریوتھ چان اوچا نے بات چیت کے سیشن کے اختتام کے بعد سعودی ولی عہد شہزادہ محمد بن سلمان کو الوداع کیا،

اس بات چیت کے دوران انہوں نے دو طرفہ تعلقات کے پہلوں اور ان کو فروغ دینے اور مضبوط کرنے کے طریقوں پر تبادلہ خیال کیا۔ یہ ملاقات دارالحکومت بنکاک میں تھائی حکومت کے اس گھر میں ہوئی جو 99 سال پرانی قدیم رہائش گاہ ہے۔ اس عمارت کو 1923 میں تھائی لینڈ میں جدید آرٹ کے گاڈ فادر مجسمہ ساز سلپا بھیراسری نے ڈیزائن کیا تھا۔کیمروں نے فلمایا کہ اوچا نے ولی عہد کو الوداع کہتے ہوئے اپنے ہاتھوں کی ہتھیلیوں کو ایک دوسرے سے چپکایا پھر ہاتھوں کو اپنے سر کی طرف کیا، اپنی ٹھوڑی کو اپنے انگوٹھوں سے چھوتے ہوئے ۔ اپنی باقی انگلیاں وہ اپنی ناک کے اوپر اپنی آنکھوں کے درمیان مستحکم انداز میں اپنی انگلیاں لے آئے ۔ انہوں نے اپنا سر جھکایا اور سلام کے دوران اسے نیچے کیا۔ “وائی” کا یہ اعلی درجہ تھا جو ہر کسی سے بات چیت کرتے ہوئے یا اسے الوداع کرتے ہوئے نہیں اپنایا جاتا۔ اس لئے کہ اس سلام کی فرد کی سماجی حیثیت کے مطابق دوسری شکلیں ہیں۔ عام طور پر ہاتھ کو سینے کے قریب کرکے اور سر کو جھکا کر سلام کرنا کافی ہوجاتا ہے۔سر “مسکراہٹوں کی سرزمین” تھائی لینڈ کے لوگوں کی علامت ہے، کیونکہ وہ سر کو جسم کے سب سے قابل احترام حصے کے طور پر دیکھتے ہیں۔ وہ شخص کی اہمیت کا لحاظ کرتے ہوئے اس کی اہمیت کا متعین کرتے ہوئے اسے مختلف ڈگریوں میں سلام کرتے ہیں تو سر کو نیچا کرتے ہیں۔ وائے موومنٹ کا استعمال ہیلو کہنے، الوداع کرنے، رخصت کرنے اور شکریہ کے اظہار کے طور پر کیا جاتا ہے۔ولی عہد نے سعودی رسم و رواج میں جڑی اسلامی اور عرب ثقافت کے مطابق سر جھکائے بغیر شکر گزاری کی علامت کے اس اشارے کے جواب میں ہاتھ جوڑ کر اوچا کے سلام کا جواب دیا۔قابل ذکر ہے کہ ولی عہد جنوبی کوریا سے آنے والے سرکاری دورے پر گزشتہ جمعرات کی شام تھائی لینڈ پہنچے تھے اور یہ دورہ بنکاک میں ہونے والی APEC سربراہی کانفرنس کے موقع پر ہوا۔