لندن (آن لائن) نوبل انعام یافتہ پاکستانی ملالہ یوسف زئی نے ہالی ووڈ انڈسٹری میں انٹری دے دی ہے۔غیر ملکی جریدے کی رپورٹ کے مطابق ملالہ یوسف زئی نے ’ایکسٹرا کریکیولر‘ کے نام سے اپنے فلم پروڈکشن ہاو س کے ا ٓغاز کا اعلان کیا ہے۔ملالہ یوسف زئی کا کہنا ہے کہ میں نے محسوس کیا ہے کہ
ہمیں لوگوں کی فلاح وبہبود کے کام کو صرف این جی اوز تک ہی محدود نہیں رکھنا چاہیے۔ اْنہوں نے کہا کہ لوگوں کے ذہنوں اور خیالات کو ایڈجسٹ کرنے کا ایک اور جزو سینما بھی ہے اور اس کے لیے تھوڑا سا اضافی کام کرنیکی ضرورت ہے ۔ اْنہوں نے مزید کہا کہ’آپ کو عام طور پر ہالی ووڈ میں مختلف رنگ ونسل کے لوگوں کی نمائندگی بہت ہی کم نظر آتی ہے اور انڈسٹری کی اس روایت کو اب بدل جانا چا ہیے ۔ ملالہ یوسف زئی نے کہا کہ میں ایک ایسی لڑکی ہوں جوکہ مسلمان ہے اور اس کا ایک پختون خاندان سے تعلق ہے ۔ اْنہوں نے کہا کہ میں ایک پاکستانی ہوں، ایک ایشیائی فرد ہوں جس نے سفید فام لوگوں کی کامیابی اور فتوحات پر مبنی کہانیاں اسکرین پر دیکھی ہیں ۔ اْنہوں نے مزید کہا کہا اگر ہم ان انکشافات کو دیکھنے کے قابل ہیں، تو مجھے لگتا ہے کہ ناظرین میں ہم ایشیائی باشندوں کی تخلیق کردہ کہانیوں کو دیکھنے اور سننے کی صلاحیت بھی ہونی چا ہیے ۔ ایسی کہانیاں جوکہ سفید فام لوگوں نے نہیں بلکہ ایشیائی اوررنگ ونسل کے باشندوں نے بنائی ہوں اور وہ خود ہی ان کہانیوں کے مرکزی کردار بھی ہوں ۔ اْنہوں نے کہا ایسا بالکل ممکن ہوسکتا ہے اور میں یہ کام سرانجام دینے جارہی ہو ں ۔
