بیجنگ ، اسلام آباد(این این آئی)چین کی وزارت خارجہ کے ترجمان چائولی جیان نے پاکستان میں سیاسی صورتحال سے متعلق کہا ہے کہ پاکستان کے ہمسایہ ملک اور آہنی دوست کی حیثیت سے چین دل سے امید کرتا ہے کہ پاکستان کی سیاسی جماعتیں متحد رہیں گی اور ملک کے استحکام و ترقی کی مشترکہ حفاظت کریں گی۔پیر کے روز چینی میڈ یا کے مطا بق انہوں

نے ایک پر یس کا نفر نس میں کہا کہ خواہ پاکستان میں سیاسی صورتحال میں کوئی بھی تبدیلی آئے ،چین پاکستان کے ساتھ دوستانہ پالیسی پر ثابت قدم رہے گا۔ انہوں نے اس یقین کا اظہار بھی کیا کہ پاکستان کی سیاسی صورتحال میں تبدیلی کا چین ـپاکستان تعلقات پر اثر نہیں پڑے گا۔دوسری جانب پاکستان مسلم لیگ (ن) کے رہنما خواجہ محمد آصف نے کہاہے کہ ترجیحات میں پاکستان کی معیشت بہتر درست کرنے کی ضرورت ہے۔ میڈیا سے گفتگو کرتے ہوئے انہوں نے کہاکہ ترجیحات میں پاکستان کی معیشت بہتر درست کرنے کی ضرورت ہے۔ انہوںنے کہاکہ ملک میں کرپشن کو روکنا ہے،ملک کو عمران خان نے خراب کیا ہے ۔ انہوںنے کہاکہ اداروں کے خلاف نعرے لگاتے ہیں نہیں لگاتے میں کچھ نہیں کہہ سکتا۔انہوں نے کہاکہ میڈیا نے رپورٹ کیا کہ ان کی صفوں میں کچھ اختلافات ہیں،ساڈے تین سال پارلیمنٹ میں گزارے ہیں ،اس پارلیمنٹ میں قانون کی دھجیاں اڑائی گئی ہیں ،اپوزیشن میں رہتے ہوئے جو ہو سکتا تھا پارلیمنٹ میں گیا ہے۔خواجہ آصف نے کہاکہ پچھلے چار سال میں عمران خان نے ملک کی معیشت کو تباہ کیا ہے،انتخابی اصلاحات کے حوالے سے مل کر بیٹھیں گے،احتجاج کرنا ان کا جمہوری حق ہے۔انہوںنے کہاکہ انتقام جیسی کوئی چیز ہماری ڈکشنری میں نہیں ۔ انہوں نے کہاکہ میاں نوازشریف انشااللہ واپس آئیں گے۔ انہوں نے کہاکہ اگر تحریک انصاف کی جانب سے استعفے دئیے گئے اور منظور ہو گئے تو انتخابات ہوں گے۔