جمعہ‬‮ ، 04 اپریل‬‮ 2025 

امریکہ میں ایک سال کے دوران7 کروڑ افراد کے ملازمت چھوڑنے کا انکشاف

datetime 3  فروری‬‮  2022
ہمارا واٹس ایپ چینل جوائن کریں

واشنگٹن(این این آئی)گزشتہ سال امریکا میں تقریبا 7 کروڑ لوگوں نے نوکریاں چھوڑیں جس کے باعث بڑی تعداد میں نئے لوگوں کو روزگار کے مواقع ملے۔غیر ملکی خبررساں کے مطابق امریکا کے ادارہ شماریات کی جانب سے وفاقی ملازمین سے متعلق ایک فہرست جاری کی گئی جس میں بتایا گیا کہ 2021 میں ریکارڈ تعداد میں لوگوں نے اپنی نوکریوں کو

خیرباد کہا جس کے باعث بڑی تعداد میں نئے لوگوں کو روزگار کے مواقع ملے۔رپورٹ میں بتایا گیا کہ گزشتہ سال صرف دسمبر کے مہینے میں 43 لاکھ لوگوں نے نوکریوں کو خیرباد کہا اور یہ تعداد نومبر سے کم ہے ، جس میں 45 لاکھ لوگوں نے اپنی نوکریوں کو چھوڑنے کا فیصلہ کیا تھا۔رپورٹ میں امریکی شہریوں کی جانب سے نوکری چھوڑنے کی وجوہات بتاتے ہوئے لکھا کہ کچھ لوگوں نے اچھے پیسوں کے لیے تو کچھ نے بہتر سہولیات کی خاطر اپنی نوکریوں کو خیرباد کہا جب کہ زیادہ تر لوگوں نے کورونا کی عالمی وبا کے دوران اپنے بچوں کو فیملی کی دیکھ بھال کی خاطر گھر بیٹھنے کا فیصلہ کیا۔دوسری جانب نوکریوں کو خداحافظ کرنے والوں میں ایک بڑی تعداد ایسے لوگوں کی بھی ہے جو اپنی ریٹائرمنٹ کے قریب پہنچ چکے تھے تاہم انہوں نے وقت سے پہلے ریٹائرمنٹ لینے کا فیصلہ کرتے ہوئے نوکریاں چھوڑیں کیوں کہ انہیں خدشہ تھا کہ کورونا کے باعث انہیں نوکریوں سے نکالا جاسکتا ہے۔رپورٹ میں

2021 کو امریکا کے لیے روزگار تلاش کرنے والوں کے لیے تاریخی سال قرار دیا گیا اور اس حوالے سے 2011 سے 2021 تک کا ڈیٹا دکھایا گیا جس میں گزشتہ سال روزگار کے مواقع کی شرح بلند ترین رہی۔ 2011 میں 3 لاکھ لوگوں کے لیے روزگار کے مواقع میسر تھے جب کہ 2021 میں تقریبا 11 لاکھ لوگوں کو یہ مواقع ملے۔رپورٹ میں بتایا گیا کہ گزشتہ

سال 6 کروڑ 89 لاکھ لوگوں نے نوکریاں چھوڑی یا پھر انہیں نکالا گیا اور ان میں 4 کروڑ 74 لاکھ لوگوں نے خود ہی نوکریوں کو خیرباد کہا۔ اس کے برعکس 2021 میں امریکا میں 7 کروڑ 53 لاکھ نئے لوگوں کو نوکریوں پر رکھا گیا۔واضح رہے گزشتہ روز یہ خبر بھی سامنے آئی تھی کہ ایک نئی تحقیق کے مطابق بڑی تعداد میں برطانوی اپنی نوکریاں چھوڑ کر آن لائن اسٹار بننا چاہتے ہیں۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…