اسلام آباد(مانیٹرنگ ڈیسک، این این آئی)سینئر صحافی کامران خان نے اپنے ٹوئٹ میں کہا ہے کہ مشیر احتساب شہزاد اکبر کااستعفیٰ عمران خان کے لئے بڑا دھچکا ہے، اس استعفے سے منسلک ہے یا نہیں عمران خان کا سب سے بڑا وعدہ کرپشن کا خاتمہ ،کرپٹ مافیا کو سزائیں ،لوٹی

دولت کی واپسی اپنی موت آپ مر چکا ہے، بہت جلد ثابت کر دوں گا انشاللہ ،انکے دور حکومت میں کرپٹ مافیا کی اعانت ہوئی۔یاد رہے کہ وزیراعظم کے مشیر برائے داخلہ اور احتساب شہزاد اکبر نے گزشتہ روزاستعفیٰ دے دیاتھا۔ ٹوئٹر پر جاری بیان میں وزیراعظم کے مشیر شہزاد اکبر نے استعفیٰ دیے جانے کی تصدیق کی۔شہزاد اکبر نے کہا کہ میں نے اپنا استعفیٰ وزیر اعظم عمران خان کو بھیج دیا ہے اور امید ہے عمران خان کی زیر قیادت احتساب کا عمل جاری رہے گا۔ذرائع کے مطابق شہزاد اکبر نے وزیراعظم کے مشیر برائے احتساب کے عہدے سے استعفیٰ دیا ہے البتہ ان کے مشیر برائے داخلہ کے حوالے سے صورتحال ابھی واضح نہیں۔ذرائع کے مطابق 18 جنوری کو کابینہ کمیٹی کی میٹنگ میں شیخ رشید نے نوازشریف کی واپسی سے متعلق سوال اٹھایا تھا جس پر شہزاد اکبر نے نواز شریف کی واپسی کو مشکل قرار دیا تھا۔ذرائع نے بتایاکہ وزیراعظم عمران خان شہزاد اکبر کی کارکردگی سے خوش نہیں تھے اور انہیں دو ہفتے پہلے ہی استعفیٰ دینے کا اشارہ دیا گیا تھا۔ذرائع کے مطابق شہزاد اکبر کو خود سے استعفیٰ دے کر جانے کا کہا گیا بصورت دیگر وزیراعظم انہیں برطرف کرسکتے تھے۔

مشیر احتساب شہزاد اکبر استعفیٰ عمران خان کے لئے بڑا دھچکہ ہے اس استعفے سے منسلک ہے یا نہیں عمران خان کا سب سے بڑا وعدہ کرپشن کا خاتمہ کرپٹ مافیا کو سزائیں لوٹی دولت کی واپسی اپنی موت آپ مر چکا ہے بہت جلد ثابت کر دوں گا انشاللہ انکے دور حکومت میں کرپٹ مافیا کی اعانت ہوئی pic.twitter.com/TJG3zwEOKx

— Kamran Khan (@AajKamranKhan) January 24, 2022