اسلام آباد (این این آئی)نئے سال کے موقع پر پٹرولیم مصنوعات کی قیمتوں میں 10 روپے 60 پیسے فی لیٹرتک کمی کا امکان ہے۔ ذرائع کے مطابق پٹرولیم مصنوعات کی قیمتوں میں 10روپے60 پیسے فی لیٹرتک کمی کا امکان ہے،پٹرولیم مصنوعات کی قیمتون کا ابتدائی ورکنگ پیپر تیار کر لیے گئے ہیں۔ذرائع وزارت خزانہ کے مطابق پٹرول قیمت میں یکم جنوری سے 10 روپے60 پیسے فی لیٹرکمی تجویز ہے،اس کے علاوہ ہائی اسپیڈ ڈیزل کی قیمت میں 8 روپے 59 پیسے فی لیٹرکمی کی تجویز ہے،جبکہ مٹی کے تیل کی قیمت میں 9 روپے فی لیٹر کمی، لائٹ ڈیزل کی قیمت میں 6 روپے 62 پیسے فی لیٹر کمی کی تجویز ہے۔

اوگرا(آج) بدھ کو ورکنگ پیپرحکومت کوبھجوائیگی،حکومت ریونیوضروریات مدنظررکھتے ہوئے فیصلہ کریگی،وزارت خزانہ وزیراعظم کی منظوری کے بعدفیصلہ کریگی،حتمی نوٹیفکیشن وزارت پٹرولیم سے جاری کیاجائے گا، حکومت نے لیوی یا ٹیکسز عائد نہ کیے تو نئے سال پر عوام کو ریلیف ملے گا۔