اسلام آباد (این این آئی)کورونا وائرس کی نئی قسم اومیکرون ویرینٹ کو روکنے کے لیئے حکومتی اقدامات کے تحت برطانیہ سے پاکستان آنے والی ملکی و غیر ملکی پروازوں کے لیئے ایس پی او پیز پر سخت فیصلہ کرلیا

گیا ۔ سی اے اے حکام کے مطابق سی اے اے کو برطانیہ سے پاکستان آنے والی پروازوں سے متعلق نئی ہدایات موصول ہوئیں ،برطانیہ سے پاکستان آنے والی پروازوں کے تمام مسافروں کے ایرپورٹس پر ریپڈ انٹیجن ٹیسٹ لازمی قرار دیا گیا ،برطانیہ سے پاکستان آنے والی پروازوں کو فوری ایڈجسٹ کیا جائے تاکہ ایرپورٹس پر تمام مسافروں کے ریپڈ انٹیجن ٹیسٹ مکمل کرلیے جائیں،ایک پرواز کے بعد دوسری پرواز میں اتنا وقت ہو تاکہ پہلے سے آنے والی پرواز کے تمام مسافروں کے ریپڈ انٹیجن ٹیسٹ مکمل ہوجائیں،برطانیہ سے پاکستان آنے مسافروں کو پرواز سے 48 گھنٹے قبل کورونا پی سی آر ٹیسٹ لازمی ہوگا،سول ایوی ایشن اتھارٹی کو برطانیہ سے پاکستان آنے والی پروازوں کیلئے نئی ہدایات موصول ہوئیں ۔ سی اے اے حکام کے مطابق اقدامات برطانیہ میں کورونا کے اومیکرون ویرینٹ کے کیسز کے باعث کیے جارہے ہیں