اسلام آباد (مانیٹرنگ ڈیسک ، این این آئی)پاکستان میں امریکی سفارت خانے کی جانب سے نورمقدم قتل کے مرکزی ملزم ظاہر جعفر کیلئے جیل میں تحائف سے بھرا ایک پارسل بھجوایا گیا ہے، میڈیا رپورٹس کے مطابق امریکی سفارت خانے کی جانب سے ظاہر جعفر کیلئے کپڑوں، کتابوں
، پرفیومز اور شیمپو سے بھرا ایک پارسل اڈیالہ جیل بھجوایا گیا ہے، تاہم جیل انتظامیہ نے پارسل وصول کرنے سے ا نکار کردیا ہے۔اڈیالہ جیل کے سپرنٹنڈنٹ ارشد وڑائچ نے امریکی سفارت خانے کی جانب سے بھجوائے گئے پارسل کی تصدیق کرتے ہوئے کہا کہ امریکی سفارت خانے نے ملزم ظاہر جعفر کیلئے پارسل بھجوایا ہے تاہم جیل انتظامیہ نے پارسل واپس بھجوادیا ہے۔ارشد وڑائچ نے مزید کہا کہ پارسل سفارت خانے کوواپس بھجواتے ہوئے جیل انتظامیہ نے اس کے ساتھ ایک خط بھی ارسال کیا ہے جس میں کہا گیا ہے کہ اگر مستقبل میں سفارت خانہ قتل کے مقدمے کے ملزم اپنے شہری کو کوئی پارسل بھجوانا چاہتا ہے تو اس کیلئے وزرات داخلہ کا راستہ اپنائے۔دوسری جانب نور مقدم کیس میں مرکزی ملزم طاہر ظہور سمیت بارہ ملزمان پر فرد جرم عائد کرنے کے لیے چھ اکتوبر مقرر کر دی گئی ۔دوران سماعت ملزمان میں چالان کی نقول تقسیم کی گئیں،مرکزی ملزم طاہر ظہور سمیت چھ ملزمان کو عدالت کے سامنے پیش کیا گیا ،طاہر ظہور سمیت چھ ملزمان ضمانت پر ہونے کی وجہ سے خود عدالت کے سامنے پیش ہوئے ،ایڈیشنل سیشن جج عطا ربانی نے کیس کی سماعت کی،عدالت نے کیس کی سماعت 6 اکتوبر تک ملتوی کردی ۔
