اسلام آباد(آن لائن) پارلیمنٹ ہاؤس کا مشترکہ اجلاس آج جمعرات کو ہوگا جس میں صدر عارف علوی اپنا پہلا خطاب کریں گے۔ اپوزیشن نے بھی انتخابات میں مبینہ دھاندلی پر احتجاج کا حکمت عملی تیار کرلی ہے ۔تفصیلات کے مطابق پارلیمنٹ کا مشترکہ اجلاس آج 13ستمبر بروز جمعرات کو

4بجے طلب کرلیا گیا ہے۔ جس میں صدر عارف علوی اپناپہلا خطاب پارلیمنٹ ہاؤس میں کریں گے ۔دوسری جانب اپوزیشن نے انتخابات 2018میں مبینہ دھاندلی کے حوالے سے احتجاجی حکمت عملی تیار کرلی ہے کہ جیسے ہی عارف علوی کا خطاب ختم ہوگا تو اپوزیشن اپنا احتجاج ریکارڈ کرائے گی۔