فیصل آباد (آئی این پی ) سابق وزیرمملکت پانی و بجلی چوہدری عابد شیرعلی نے کہا ہے کہ دعوؤں وعدوں کی لمبی فہرست عمران خان کے لئے وبال جان بن جائیں گی لیکن نئے پاکستان میں تبدیلی نظر نہیں آئے گی تبدیلی کے دعویداروں کی چند ماہ میں ہی ہوا نکل جائے گی یہ دھاندلی زدہ حکومت زیادہ دیر نہیں چلے گی و ہ گز شتہ روز یہاں میڈ یا سے خطاب کر رہے تھے ہمارا مینڈیٹ چرایا گیا ہے ہمارے پولنگ ایجنٹوں کو باہر نکال کر من پسند رزلٹ دیا گیا جسے ہم کبھی قبول نہیں کریں گے دھاندلی سے بننے والی
حکومت زیادہ دیر تک نہیں چل سکے گی پاکستان کو پر امن ‘ روشن اور جمہوری ملک بنانے کا نواز شریف سے مسلسل انتقام لیا جارہا ہے کابینہ کے پہلے ہی اجلاس میں نواز شریف ‘ مریم نواز اور کیپٹن صفدر کے نام ای سی ایل میں ڈال دینا بوکھلاہٹ کا نتیجہ ہے انہوں نے کہا کہ میاں نواز شریف ‘ مریم نواز اور کیپٹن صفدر جو پہلے ہی قید میں ہیں ان کے نام ای سی ایل میں ڈالنا انتقام ہے عمران خان کی طرف سے بڑے بڑے دعوے کئے گئے ہیں اب قوم یوٹرن خان کی حکومت سے ان وعدوں پر عمل کی منتظر ہے ۔
