بیگم کلثوم نواز آئی سی یو میں ہیں اور وہ بات چیت کرتی ہیں مگر بیٹھ نہیں سکتیں، نوازشریف سے بات ہوئی، وہ بار بار کس کاپوچھتی ہیں ؟ حسین نوازکے افسوسناک انکشافات لندن (آئی این پی)صدر مملکت ممنون حسین نے اپنی اہلیہ کے ہمراہ اتوار کو لندن کے ہارلے اسٹریٹ کلینک میں بیگم کلثوم نواز کی عیادت کی ان کا استقبال حسین نواز نے کیا، تفصیلات کے مطابق

اتوار کو صدر ممنون حسین اپنی اہلیہ کے ہمراہ بیگم کلثوم نواز کی عیادت کیلئے ہارلے اسٹریٹ کلینک گئے۔ بیگم کلثوم نواز کی عیادت کے بعد میڈیا سے گفتگو کرتے ہوئے صدر مملکت ممنون حسین نے قوم سے بیگم کلثوم نواز کی صحت یابی کیلئے دعا کی اپیل کرتے ہوئے کہا کہ میں نواز شریف کے ساتھ 1999میں جہاں کھڑا تھا وہیں اب بھی ہوں اللہ سے دعا کرتا ہوں آزمائش سب پر آتی ہے اور میاں صاحب پر بھی آئی ہے۔ اڈیالہ نہیں گیا مگر نواز شریف سے ملنے اسپتال جانا چاہتا تھا اس موقع پر حسین نواز نے کہا کہ صدر کے انتخاب کا فیصلہ (ن) لیگ کی قیادت کرے گی۔ اس پر میں کوئی تبصرہ نہیں کروں گا۔ بیگم کلثوم نواز آئی سی یو میں ہیں اور وہ بات چیت کرتی ہیں مگر بیٹھ نہیں سکتیں۔ حسین نواز نے کہا کہ میری والدہ مریم نوا زکا پوچھتی ہیں کہ وہ کال کیوں نہیں کرتی جبکہ میاں محمد نواز شریف سے ٹیلی فون پر بات ہوئی ہے۔ پاکستانی سم سے نواز شریف نے کال کی تھی اور ان سے بات ممکن ہوسکی۔ ان کو ہفتے میں ایک آدھ بار فون کرنے کی اجازت ہے۔ بیگم کلثوم نواز کی عیادت کے بعد ممنون حسین نے کہا کہ کلثوم نواز نے صحت یابی کیلئے دعا کی اپیل کی ہے۔