مستونگ (این این آئی) حساس اداروں کی مشترکہ کارروائی کے نتیجے میں کا لعدم تنظیم داعش بلوچستان کا سربراہ مفتی ہدایت مارا گیا۔ نجی ٹی وی نے ذرائع کے حوالے سے بتایا کہ خفیہ اطلاع پر جمعہ کی صبح قلات میں ایک آپریشن کیا گیا جس کے نتیجے میں داعش بلوچستان کا سربراہ مفتی ہدایت مارا گیا۔ ذرائع کے مطابق

مفتی ہدایت مستونگ دھماکے کا ماسٹر مائنڈ تھا۔ ایک اور ذرائع کے مطابق آپریشن کے دوران مفتی ہدایت کے دو ساتھی بھی مارے گئے ہیں تاہم فوری طور پر ان کی شناخت نہیں ہو سکی ۔یاد رہے کہ گزشتہ ہفتے انتخابی مہم کے دوران سراج احمد رئیسانی سمیت 150 سے زائد افراد خود کش حملے میں شہید ہوگئے تھے۔