اسلام آباد(مانیٹرنگ ڈیسک)بالی ووڈ اداکارہ کرشمہ کپور اور ان کے بزنس مین دوست سندیپ توشنی نے شادی کا فیصلہ کر لیا جس کے بعد سندیپ توشنی نے اپنی پہلی بیوی کو طلاق دینے کے لیے عدالت سے بھی رجوع کرلیا ہے ۔کرشمہ کپور نے اپنے شوہر اور نئی دہلی کے بزنس مین سنجے کپور سے طلاق لے لی تھی جس کے بعد وہ ممبئی کے بزنس مین سندیپ توشنی وال کے ساتھ دیکھی جارہی ہیں،دونوں کے معاشقے کی خبریں بھی زبان زدعام ہیں

لیکن اب سندیپ توشنی نے کرشمہ سے اپنے معاشقے کو رشتے میں بدلنے کا فیصلہ کرتے ہوئے حیرت انگیز فیصلہ کیا ہے۔بھارتی میڈیا رپورٹس کے مطابق سندیپ توشنی والاور اداکارہ کرشمہ کپور کے دو ، دو بچے ہیں اور اب دونوں نے معاشقے کے بعد شادی کا فیصلہ کر لیا ہے۔ سندیپ توشنی والا نے اپنی پہلی بیوی ڈاکٹر اشرتا سے طلاق کیلئے عدالت میں موقف اختیار کیا ہے کہ وہ نفسیاتی مریضہ ہے اور بہت زیادہ غصہ کرتی ہیں جس کی وجہ سے ازدواجی زندگی مشکلات سے دوچار ہے۔دوسری جانب سندیپ توشنی وال نے اہلیہ سے طلاق کے فوراً بعد شادی کی منصوبہ بندی کرتے ہوئے ممبئی کے پوش علاقے باندرہ میں کرشمہ کپور کے لیے فلیٹ بھی خریدلیا ہے۔

موضوعات:دوسری شادی سندیب توشنی والا کرشمہ کپور