لاہور(آئی این پی)محکمہ ٹرانسپورٹ نے پبلک ٹرانسپورٹ میں بھارتی فلموں پر پابندی بحال رکھنے کی سفارشات کر دیں،سیکرٹری ٹرانسپورٹ نے بھارتی فلموں پر پابندی کی سفارشات چیف سیکرٹری کو بھجوادیں۔سفارشات میں کہا گیا ہے کہ پبلک ٹرانسپورٹ میں ٹی وی،ڈی وی ڈیز،وی سی آر اور ایل سی ڈیز لگانے پر پابندی عائد کی جائے تاکہ ٹرانسپورٹربھارتی فلمیں نہ لگا سکیں۔
فیصلے پرعملدرآمد نہ کرنے والوں کے خلاف ورزی پر ٹرانسپورٹ مالکان کیخلاف مقدمہ اور بھاری جرمانے عائد کیے جائیں۔سیکرٹری ٹرانسپورٹ کی سفارشات پر چند روز میں حتمی فیصلہ ہونے کا امکان ہے۔
