اسلام آباد (مانیٹرنگ ڈیسک) لالی وڈ فلموں کے بعد پاکستانی ڈراموں میں بھی پڑوس ملک کے فنکاروں کی انٹری، بھارتی ماڈل اور اداکارہ سارہ خان ان دنوں نئے پاکستانی ڈرامے کی شوٹنگ کیلئے شہر قائد میں موجود ہیں۔ سارہ خان کا کہنا ہے کہ پاکستان میں انہیں اتنی عزت اور محبت ملی جس کا کبھی سوچا بھی نہیں تھا۔
سارہ نے یہاں گزرے ہر لمحے کو یادگار قرار دیا۔ سارہ خان لاہور اور اسلام آباد گھومنے کے بعد ان دنوں کراچی میں شاپنگ اور ہوٹلنگ کے مزے اڑا رہی ہیں۔ انکا کہنا ہے کہ بھارت میں بھی پاکستانی فنکاروں کو اسی طرح محبت اور عزت ملنی چاہیے۔ انہوں نے مزید پراجیکٹس پر کام کرنے کے لیے دوبارہ پاکستان آنے کی خواہش کا اظہار بھی کیا۔
