نئی دہلی / کولکتہ/ ‘ممبئی (آئی این پی)رئیس نے دو دن میں کتنے کروڑ کما لیے ؟’رئیس‘ اور ’قابل‘ کے امتحان کا دوسرے دن کا رزلٹ بھی آگیا ،باکس آفس پر کروڑوں کے ٹاکرے میں ’رئیس‘ نے دو دن میں 46 کروڑ کمائے، جبکہ ریتک روشن کی ’قابل‘ بھی زیادہ پیچھے نہیں رہی، سینما گھر کم ہونے کی وجہ سے اس فلم کا بزنس 29 کروڑ رہا۔ریتک اور یمی گوتم کی بالی ووڈ فلم’قابل‘ کا
باکس آفس پر دوسرے دن 18کروڑ روپے سے زائد کا بزنس کیا۔بالی ووڈ میں گریک گاڈ کے نام سے مشہور ہونے والے سپر ایکشن ہیرو ریتک روشن اور یمی گوتم کی نئی بالی ووڈ فلم ’قابل‘ نے ریلیز کے دوسرے دن باکس آفس پر 18اعشاریہ 67کروڑ روپے سے زائد کا بزنس کرلیا ہے ۔ یہ فلم شاہ رخ اور ماہرہ خان کی فلم ’رئیس‘ کے مدمقابل ریلیز کی گئی لیکن پہلے دن کوئی خاص بزنس نہ کر پائی تھی۔
