اسلام آباد (این این آئی)کرنسی سمگلنگ کے الزام میں گرفتار ماڈل گرل ایان کی مشکل آسان نہ ہو سکی، بیرون ملک روانگی پر تاحال پابندی برقرار، ایان علی نے ای سی ایل سے نام نکالنے کیلئے وزارت داخلہ میں درخواست دے دی ہے۔میڈیا رپورٹ کے مطابق درخواست میں مؤقف اختیار کیا گیا ہے کہ سندھ ہائی کورٹ کے فیصلے کی روشنی میں ان کا ای سی ایل سے نام نکالا جائے
ذرائع کے مطابق ایان علی 30 جنوری کو بیرون ملک جانا چاہتی ہیں لہٰذا انہوں نے درخواست میں مؤقف اختیار کیا کہ 29 جنوری تک ان کا نام ای سی ایل سے خارج کیا جائے، نام نہ نکالا گیا تو وہ توہین عدالت کی درخواست دائر کریں گی۔ درخواست کے ساتھ سندھ ہائیکورٹ کے فیصلے کی کاپی بھی لف ہے۔ سندھ ہائی کورٹ نے 19 جنوری 2017ء کو ایان کا ای سی ایل سے نام نکالنے کا حکم دیا تھا۔
