کراچی(مانیٹرنگ ڈیسک) پاکستانی فلم انڈسٹری مشہور فلم مولا جٹ کے بغیر نا مکمل ہے۔ معروف اداکار سلطان راہی نے مولا جٹ کا کردار نبھا کرپاکستانی فلم انڈسٹری میں نئی داستان رقم کی جبکہ اس ایکشن فلم میں نوری نت کا کردار ادا کر کے اداکار مصطفی قریشی بھی شہرت کی بلندیوں پر پہنچ گئےاسی وجہ سے نوجوان فلمساز بلال لاشاری نے اس فلم کا ری میک بنانے کا اعلان کیا اور اب یہ فلم تیاریوں کے مراحل میں داخل ہو گئی ہے۔اس فلم میں مولا جٹ کا کردار اداکار فواد افضل خان جبکہ نوری نتھ کا کردار حمزہ علی عباسی نبھائیں گے۔ فلم میں ایکشن سین کے لیے لاس اینجلس سے ایکشن کوریوگرافرز کی ایک ٹیم کی خدمات بھی حاصل کی گئی ہیں۔