لاہور ( این این آئی) فلم اور تھیٹر کی نامور اداکارہ ندا چوہدری شدید سردی میں قلفی کھانے شاہ عالمی پہنچ گئیں، پرستاروں نے گھیرے میں لے لیا ۔ بتایا گیا ہے کہ اداکارہ ندا چوہدری محفل تھیٹر میں اسٹیج ڈرامہ کرنے سے قبل شاہ عالمی میں مشہود المعروف قلفی فروش کے پاس سردی کو انجوائے کرنے کے لئے قلفی کھانے پہنچیں ۔ اداکارہ قلفی خریدنے کے بعد جب واپس گاڑی کی طرف جانے لگیں تو ان کو پرستاروں نے پہچان لیا اور گھیرے میں لے لیا تاہم مقامی تاجروں نے بڑی مشکل سے اداکارہ کی پرستاروں سے جان چھڑوائی اور چنگل سے نکال کر ان کی گاڑی میں بٹھا کر روانہ کر دیا۔‎