ممبئی (مانیٹرنگ ڈیسک) تازہ ترین میڈیا رپورٹس کے مطابق کرینہ کپور اور سیف علی خان کے ہاں بیٹے کی پیدائش ہوئی ہے ۔ تفصیلات کے مطابق کرینہ کپور کے ہاں بریچ کینڈی ہسپتال میں لڑکا پیدا ہوا اور ڈاکٹروں کے مطابق اداکارہ اور نومولود دونوں صحت مند ہیں۔
بھارتی میڈیا کے مطابق کرینہ کپور کو جب ہسپتال لایا گیا تو پورا خان اور کپور خاندان ہی ان کے ہمراہ تھا۔ واضح رہے کہ اس سے قبل سیف علی خان نے میڈیا سے گفتگو کرتے ہوئے کہا تھا کہ یہ ہمارے تعلقات کا ایک بڑا اظہار ہے اور بچے کی پیدائش سے ہم مکمل ہو جائیں گے، بچہ ہم دونوں کا ہے اس لئے یہ ایک بہت ہی زبردست احساس ہے۔دلچسپ بات یہ ہے کہ بچے کی پیدائش سے تقریباً دو ماہ قبل ہی اس کے نام کی افواہیں بھی گردش کرنا شروع ہو گئی تھیں اور کہا جا رہا تھا کہ اس کا نام ’’سیفنا‘‘ رکھا جائے گا۔