لاہور (این این آئی) پاکستان کے معروف ترین جوڑے عروہ حسین اور فرحان اسلام کی شادی تکمیل پا چکی ہے اور مداحوں کیلئے یقیناً حیران کن بات ہوگی کہ میڈیا کی چکا چوند روشنیوں میں رہنے والے فرحان اور عروہ کی شادی انتہائی سادگی کے ساتھ بادشاہی مسجد میں انجام پائی ۔ تفصیلات کے مطابق پاکستانی ڈرامے ’’کہی ان کہی‘‘ سے شہرت حاصل کرنے والی خوبرو اداکارہ عروہ حسین اور معروف گلوکارفرحان سعید شادی کے بندھن میں بندھ گئے ہیں۔ دونوں کے نکاح کی تقریب سادگی کے ساتھ بادشاہی مسجدلاہور میں ہوئی جس میں رشتے داروں اورقریبی دوستوں نے شرکت کی۔عروہ حسین کی رخصتی بادشاہی مسجد سے ہی کی گئی جبکہ ولیمے کی تقریب اتوار کو ہوگی جس میں شوبز کی معروف شخصیات شرکت کریں گی۔

موضوعات:عروہ حسین فرحان اسلم