لندن (مانیٹرنگ ڈیسک ) پاکستانی نژاد برطانوی باکسر عامر خان کے والد اور والدہ کی پریس کانفرنس کے بعد عامر کی اہلیہ فریال مخدوم کا غصہ اس وقت ساتویں آسمان پر اور ان کی طرف سےپے در پے عامر خان کے خاندان کے خلاف بیانات کاسلسلہ جا ری ہے ۔ تازہ ترین میڈیا رپورٹس کے مطابق باکسر عامر خان کی اہلیہ اور والدین میں جھگڑا ابھی تک جاری ہے اور والدین کی جانب سے میڈ یا پر بیان کے بعد رد عمل کے طور پر اہلیہ فریال مخدوم نے سوشل میڈ یا پر عامر خان کے بھائی کی برہنہ تصویریں اور بہن کی بغیر دوپٹے کے تصاویر سوشل میڈ یا پر جاری کردیں ۔
واضح رہے کہ عامر خان کے والدین کی جانب سے فریال مخدوم پر عریاں کپڑے زیب تن کرنے کا الزام لگا یا گیا تھا جس پر طیش میں آکر فریال مخدوم نےسوشل میڈ یا پر درج بالا تصاویر جاری کیں ۔
تفصیلات کے مطابق باکسر عامر خان کے والدین کے انٹرویو کے بعد ان کی بہو اور عامر کی اہلیہ کا ردعمل بھی سامنے آیا ہے۔ انٹرنیٹ پر اسنپ چیٹ میں فرہال مخدوم نے کہا کہ سب کچا چٹھا جلد کھول دوں گی۔ان کا کہنا تھا کہ جھوٹوں سے نفرت ہے خاموش نہیں بیٹھوں گی۔ خواہ چور ہو، لٹیرا ہو یا قاتل، لیکن آپ ماں ہو اور ٹسوے بہائیں تو لوگ ہمدردی کرنے لگیں گے۔کپڑے اشو تھے، جو 3سال مجھے بہو کی حیثیت سے تسلیم نہیں کیا گیا تھا۔ میں نے 3سال جہنم میں گزارے وہ ٹھیک تھا؟۔ کیسی گری ہوئی ذہنیت ہے۔میرے کپڑے ان کو ایشو لگتے ہیں، ان کی بیٹیاں دوپٹہ نہ لیں؟۔ کیا وہ اس لیے ٹھیک ہے کہ وہ خونی رشتے ہیں اور میں بہو ہوں۔ کیسی دوغلی پالیسی ہے۔ایک دن مجھے کہنا ہی پڑا کہ بہت ہوگیا، میں آواز ضرور بلند کروں گی۔ مضحکہ خیز توقعات ہیں کہ بہو کو آپ باندیوں کی طرح ساتھ رکھیں گے۔ اپنی بیٹیاں سسرال میں ایک دن نہ ٹکیں اور آپ میرے سر پہ چڑھ بیٹھیں۔
واضح رہے کہ سنیپ چیٹ پر اپنے ریمارکس میں فریال نے الزام لگایا کہ اسے اپنے سسرال سے گھریلو تشدد کا سامنا ہے ۔ انہوں نے لکھا کہ میں کافی عرصہ اس بارے میں خوموش تھی تاہم یہ پیغام سب کے لئے ہے۔انہوں نے کہا کہ اپنے بیٹوں کی شادی کیوں کرتے ہیں جب آپ اس کی بیوی کو تشدد کا نشانہ بناتے ہیں۔ ان کا مزید کہنا تھا فریال مخدوم نے انکشاف کیا کہ وہ اپنے خرچے پورے کرنے کے خود کام رہی ہیں۔باکسر کی اہلیہ کا اپنے پیغام میں کہنا تھا کہ وہ صبح 7سے رات 12بجے تک ماڈلنگ کرنے میں مشغول رہتی ہیں حالانکہ ان کے شوہر کروڑ پتی انسان ہیں لیکن وہ حق رکھنے کے باوجود ان سے پیسے نہیں لے سکتیں اور سونے پر سہاگہ ان کے سسرالی پھر بھی ان پر لعن طعن کرتے رہتے ہیں ۔اپنے ایک اور پیغام میں فریال نے انکشاف کیا کہ جب وہ 9ماہ کی حاملہ تھیں تو ان کے سسرالی رشتہ دار عامر خان کو طلاق لینے پر مجبور کررہے تھے ۔عامر خا ن اور فریال مخدوم 3سال پہلے نیویارک میں رشتہ ازدواج میں منسلک ہوئے تھے اور ان کی ایک بیٹی بھی ہے ۔
