لاہور (این این آئی) پاکستان کی مایہ ناز اداکارہ ماہرہ خان نے معروف پاکستانی اداکارہ صبا قمر بارے پیشن گوئی کرتے ہوئے کہا ہے کہ یہ مستقبل کی سپر سٹار ہونگی ۔ تفصیلات کے مطابق پاکستان کی مایہ ناز اداکارہ ماہرہ خان نے معروف پاکستانی اداکارہ صبا قمر بارے پیشن گوئی کرتے ہوئے کہا ہے کہ یہ مستقبل کی سپر سٹار ہونگی ، یہ بات انہوںنے ادا کارہ کی نئی فلم لاہور سے آگے دیکھنے کے بعد اپنے ٹویٹر پیغام میں کہی ۔ ان کا کہنا تھا کہ صبا قمر میں آگے بڑھنےکا جنون ہے اور ان میں ایسا ٹیلنٹ نظر آتا ہے جو کسی بھی اعلیٰ پائے کی ہیروئن میں ہونا چاہیے ۔
واضح رہے کہ اداکارہ ماہرہ خان خود بھی ایک بہت اچھی اور معروف اداکارہ ہیں جو بھارت میں جا کر بھی اپنے فن کا لوہا منوا چکی ہیں تاہم بد قسمتی سے ان کی فلم رئیس جس میں انہوں نے اپنی اداکاری کے جوہر بھارتی فلم انڈسٹری کے کنگ خان ، شاہ رخ خان کے مد مقابل ہیروئن کے طورپر دکھائے اور خوب داد سمیٹی تاہم بعد میں بڑھ جانے والی پاک بھارت کشیدگی نے فلم رئیس میں سے ان کے کردار کو کٹوا دیا ۔
ماہرہ خان نے صباقمر کے بارے ایسا پیش گوئی کر دی کہ سب کو حیران کر دیا ۔واضح رہے کہ امریکہ میں ہونیوالے پہلے پاکستانی فلم فیسٹیول میں فلم ’ لاہور سے آگے‘ کو عوام میں بھی بےحد سراہا جا رہا ہے ۔‎

موضوعات:صباقمر ماہرہ خان