ممبئی (این این آئی) بھارتی اداکارہ ایشوریا رائے کی جانب سے خود کشی کی کوشش کرنے کی خبریں بے بنیاد نکلیں۔ تفصیلات کے مطابق دو روز قبل خبر سامنے آئی تھی جس کے مطابق بھارتی معروف اداکارہ ایشوریا رائے جو امیتابھ بچن کے بیٹے ابھیشک بچن کی بیوی ہیں انہوں نے خودکشی کر لی ہے یہ خبر بھارتی فکمی دنیا کیلئے ایک بھونچال کے مترادف تھی ۔ تاہم اب وضاحت کی گئی ہے کہ ایشوریا رائے کی جانب سے خود کشی کی کوشش کرنے کی خبریں بے بنیاد ہیں ایسی کسی خبر میں کوئی صداقت نہیں ہے، ایشوریا رائے کے اپنے سسرا ل کیساتھ تعلقات ٹھیک ہیں اور وہ ان کیساتھ خوش ہیں۔
واضح رہے کہ اس سے قبل ایشوریا رائے کے ایک فلم میں رنبیر کپور کے ساتھ قابل اعتراض مناظر فلمائے جانے پر جیا بچن اپنی لاڈلی بہو سے سخت ناراض تھیں ۔

موضوعات:ایشوریا رائے