ممبئی(آئی این پی)بولی وڈ کی معروف اداکارہ نیہا دھوپیا ٹی وی رئیلٹی شو ‘‘روڈیز’’میں خطرناک سٹنٹ کرتے ہوئے شدید زخمی ہوگئیں۔بھارتی میڈیا کی رپورٹ کے مطابق ٹی وی رئیلٹی شو ‘‘روڈیز’’ میں حصہ لینے والے اداکاروں سے بہت ہی مشکل اور سخت اسٹنٹ کروائے جاتے ہیں ،جنہیں ہر کوئی کرنے کی صلاحیت نہیں رکھتا۔نیہا کے ساتھ بھی یہ ہی ہوا مشکل اسٹنٹ کرنے کے دوران وہ اپنے آپ کو زخمی کروا بیٹھیں ،لیکن ان کا کہنا ہے کہ میں ہار نہیں مانوں گی اور’ شو’ کو جاری رکھوں گی۔واضح رہے کہ نیہا بولی وڈ کی متعدد فلمو ں میں کام کرچکی ہیں جن میں سنگھ از کنگ،چپ چپ کے اور کیا کول ہیں ہم وغیرہ شامل ہیں۔

موضوعات:نیہا دھوپیا