اسلام آباد(مانیٹرنگ ڈیسک)نامور پاکستانی اداکار ہمایوں سعید نے ایک نجی ٹی وی کے پروگرام میں گفتگو کرتے ہوئے انکشاف کیا ہے کہ شروع میں انہیں ڈراموں میں کام کیلئے بہت محنت کرنا پڑی۔

سلور سکرین پر راج کرنے والے ہمایوں سعید کا کہنا تھا جب شروع میں مجھے کام کی آفرز ہونے لگیں تو کئی برس پہلے ایک ڈرامے کیلئے مجھے بلایا گیا۔ میں نے پروڈیوسر سے کہا کہ میں ڈرامے کی ایک قسط کے 5 ہزار روپے لوں گا۔

اس پر پروڈیوسر نے تھوڑا پس و پیش سے کام لیا لیکن بعد میں انہوں نے میری مرضی کے مطابق پیسے دیدیئے ۔ ہمایوں سعید نے کہا کہ آجکل میں ڈراموں کی ایک قسط میں کام کرنے کے لاکھوں روپے وصول کرتا ہوں۔

واضح رہے کہ اس سے قبل معروف پاکستانی اداکارہ سجل علی نے ایک ڈرامے میں کام کرنے کیلئے 30 لاکھ روپے معاوضہ لینے کا انکشاف کیا تھا۔ سجل علی کا شمار پاکستان کی مہنگی ترین اداکاراؤں میں ہوتا ہے۔