اسلام آباد (مانیٹرنگ ڈیسک)عمران خان بحیثیت سیاستدان مشہور ہوں نہ ہوں بحیثیت کرکٹر ان کی شہرت سے کسی کو انکار نہیں ہے ۔ پاکستان ہی نہیں بلکہ پوری دنیا سمیت پاکستان کے ازلی دشمن بھارت میں بھی عمران خان کو بے پناہ چاہنے والے موجود ہیں ۔ تازہ ترین میڈیا رپورٹس کے مطابق مانچسٹر میں عمران خان نے ایک شادی میں شرکت کی جہاں ان کے ساتھ ساتھ بھارتی لیجنڈ اداکار انیل کپور بھی موجود تھے ۔
انیل کپور نے عمران خان کے متعلق بات کرتے ہوئے کہا کہ عمران میرے آئیڈیل ہیں اور یہ اس وقت سے میرے پسندیدہ ہیں جب یہ کرکٹ کھیلتے تھے ۔ انہوں نے مزید کہا کہ اب جب عمران خان سیاست میں آچکے ہیں تو میں آج یہ کہنا چاہوں گاکہ عمران جیسے ہی وزارت عظمیٰ کی کرسی پر بیٹھےتو میں پاکستان ضرور آئوں گا ۔انیل کپور کا بیان سنتے ہی ہال میں ’’گو نواز گو‘‘ کے نعرےلگنے لگے
واضح رہے کہ اس تقریب میں تحریک انصاف کے سربراہ عمران خان سمیت شیخ رشید ، شاہ محمود قریشی اور دیگر رہنما بھی موجود تھے ۔ شادی کی تقریب سے شرکت کے بعد عمران اپنےبچوں سے ملنے مانچسٹر سے لندن روانہ ہو گئے ہیں ۔ ان کہا کہنا تھا کہ یہ میرا نجی دورہ ہے ۔